தமிழக சட்டசபை தேர்தலுக்கான அ.தி.மு.க.வின் இரண்டாம் கட்ட வேட்பாளர் பட்டியல் வெளியாகியுள்ள நிலையில், அதில் முன்னாள் சபாநாயகர் தனபாலின் பெயர் இடம் பெறாதது பெரும் பரபரப்பை ஏற்படுத்தியுள்ளது. அவர் தற்போது எம்.எல்.ஏ.வாக உள்ள அவினாசி தொகுதி இம்முறை கூட்டணி கட்சியான பா.ஜ.க.வுக்கு ஒதுக்கப்பட்டுள்ளது. 1977 முதல் ஏழு முறை வெற்றி பெற்ற ஒரு மூத்த தலைவரின் பெயர் விடுபட்டது அரசியல் வட்டாரத்தில் விவாதப் பொருளாகியுள்ளது.

தனபால் திட்டமிட்டுப் புறக்கணிக்கப்படுகிறாரா அல்லது அடுத்தகட்ட பட்டியலில் அவருக்கு மாற்றுத் தொகுதி ஒதுக்கப்படுமா என்ற கேள்வி எழுந்துள்ளது. எடப்பாடி பழனிசாமி உள்ளிட்ட முக்கிய அமைச்சர்கள் முதற்கட்டத்திலேயே அறிவிக்கப்பட்ட நிலையில், தனபாலின் அரசியல் எதிர்காலம் குறித்த சஸ்பென்ஸ் நீடிக்கிறது. ஏப்ரல் 23-ல் தேர்தல் நடைபெறவுள்ள சூழலில், அ.தி.மு.க.வின் இந்த நகர்வு தொண்டர்களிடையே குழப்பத்தை ஏற்படுத்தியுள்ளது.