நடிகர் ரஜினிகாந்த் அரசியல் வருகை குறித்து தமிழக வெற்றிக் கழகத்தின் ஆதவ் அர்ஜுனா பேசிய கருத்துக்கள் பெரும் புயலை கிளப்பியுள்ளன. இந்த விவகாரத்தில் புதிய திருப்பமாக, விமர்சகர் தேனி கண்ணன் அதிரடி குற்றச்சாட்டு ஒன்றை முன்வைத்துள்ளார். நடிகர் விஜய்யின் குடும்ப வாழ்க்கை மற்றும் விவாகரத்து தொடர்பான வதந்திகளிலிருந்து மக்களின் கவனத்தை திசை திருப்பவே, ரஜினியைப் பற்றி இவ்வாறு பேச விஜய் தூண்டியதாக அவர் தெரிவித்துள்ளார்.

இந்த பேச்சுக்கு எதிர்ப்பு தெரிவித்து மதுரை உள்ளிட்ட பகுதிகளில் ரஜினி ரசிகர்கள் கண்டன போஸ்டர்களை ஒட்டியுள்ளனர். சமூக வலைதளங்களில் விஜய் மற்றும் ரஜினி ரசிகர்கள் இடையே மோதல் வலுத்துள்ள நிலையில், திட்டமிட்டே இந்த சர்ச்சை உருவாக்கப்பட்டுள்ளதாகக் கூறப்படுகிறது. சொந்தப் பிரச்சனைகளை மறைக்க ரஜினியின் பெயரைப் பயன்படுத்தியதாக எழுந்துள்ள இந்த புகார், தற்போது சினிமா மற்றும் அரசியல் வட்டாரங்களில் காட்டுத்தீயாய் பரவி வருகிறது.