மதுரை மாவட்ட அதிமுக வேட்பாளர் பட்டியலில் பி.எம். மன்னன் மற்றும் எஸ்ஸார் கோபி ஆகியோரின் பெயர்கள் விடுபட்டுள்ளது தொண்டர்களிடையே பெரும் அதிர்ச்சியை ஏற்படுத்தியுள்ளது. முன்னாள் அமைச்சர் செல்லூர் ராஜுவின் தலையீட்டால் இவர்களுக்கு வாய்ப்பு மறுக்கப்பட்டதாகக் கூறப்படும் நிலையில், மதுரையில் பழைய முகங்களுக்கே மீண்டும் போட்டியிட வாய்ப்பு வழங்கப்பட்டுள்ளது.

அழகிரியின் ஆதரவாளரான மன்னன், அமைச்சர் பி.டி.ஆர். பழனிவேல் தியாகராஜனை எதிர்த்து களம் காண்பார் என்று எதிர்பார்க்கப்பட்ட நிலையில், அந்தத் தொகுதி கூட்டணிக்கு ஒதுக்கப்பட்டுள்ளது. இதனால் அதிருப்தியில் உள்ள மன்னன் மற்றும் எஸ்ஸார் கோபி தரப்பினர் தேர்தலில் களப்பணி ஆற்றுவார்களா என்ற கேள்வி எழுந்துள்ளதால் மதுரையில் அதிமுகவிற்கு அரசியல் நெருக்கடி உருவாகியுள்ளது.