தமிழக சட்டப்பேரவைத் தேர்தல் தொகுதி பங்கீட்டில் அதிமுகவின் பிடி இறுகியதால் பாஜக கடும் அதிருப்தியில் உள்ளது. குறிப்பாக கோயம்புத்தூர் போன்ற செல்வாக்குமிக்க பகுதிகளில் விரும்பிய தொகுதிகள் கிடைக்காததால் மாநில பாஜகவில் குழப்பம் நிலவுகிறது. கட்சியின் வளர்ச்சிக்காக மாநிலம் தழுவிய நடைப்பயணம் மேற்கொண்ட அண்ணாமலை, மேலிடத்தின் முடிவுகளால் அதிருப்தியடைந்து இத்தேர்தலில் போட்டியிடப்போவதில்லை என கடிதம் எழுதியுள்ளார்.

மொத்தம் ஒதுக்கப்பட்ட 27 இடங்களில் பெரும்பாலானவை பாஜகவுக்கு வலுவில்லாத தென் மாவட்டங்களில் உள்ளன. சிட்டிங் எம்.எல்.ஏ-க்களின் தொகுதிகளைக் கூட அதிமுக விட்டுக்கொடுக்காதது தொண்டர்களிடையே கொந்தளிப்பை ஏற்படுத்தியுள்ளது. சென்னை மற்றும் கொங்கு மண்டலத்தில் முக்கிய இடங்கள் மறுக்கப்பட்டதால், அண்ணாமலை தனது அதிருப்தியை வெளிப்படையாகப் பதிவு செய்துள்ளார்.