செய்திப் பிரிவு : ஒரு நாட்டிற்குச் செல்ல விமான நிலையம் இல்லை, பொருட்கள் வாங்க அந்த நாட்டுக்கெனத் தனி நாணயம் இல்லை என்றால் உங்களால் நம்ப முடிகிறதா? ஐரோப்பாவில் உள்ள லிச்சென்ஸ்டைன் (Liechtenstein) என்ற சிறிய நாடு இந்த ஆச்சரியங்களை உள்ளடக்கியது. ஆல்ப்ஸ் மலைத்தொடரில் அமைந்துள்ள இந்த நாட்டிற்குச் செல்ல சுற்றுலாப் பயணிகள் அண்டை நாடுகளிலிருந்து சாலை வழியாகவே பயணிக்க வேண்டும். இங்குள்ள மக்கள் சொந்த நாணயத்திற்குப் பதில் சுவிஸ் ஃபிராங்க் பயன்படுத்துவதால், பொருளாதார ஏற்றத்தாழ்வுகள் இன்றி நிம்மதியான வாழ்க்கையை வாழ்கின்றனர்.

குற்றங்களே நடக்காத நாடு எனப் பெயர் பெற்ற இங்கு, சிறைச்சாலைகள் பெரும்பாலும் காலியாகவே இருக்கும். சொந்தமாக விமான நிலையமோ நாணயமோ இல்லையென்றாலும், தனிநபர் வருமானத்தில் இந்த நாடு உலகின் முன்னணி வரிசையில் உள்ளது. சிறந்த வங்கிச் சேவைகள் மற்றும் உயர்தொழில்நுட்ப உற்பத்தியால் இங்குள்ள மக்களின் வாழ்வாதாரம் மிகவும் செழிப்பாக உள்ளது. பரப்பளவில் சிறியதாக இருந்தாலும், சரியான திட்டமிடல் இருந்தால் ஒரு நாடு எவ்வளவு முன்னேற முடியும் என்பதற்கு லிச்சென்ஸ்டைன் ஒரு சிறந்த உதாரணம்.