வியாழக்கிழமை மாலை முதல் வெள்ளிக்கிழமை மதியம் வரை பல ஆண்ட்ராய்டு பயனர்கள் தங்கள் கூகுள் போன் ஆப் டயலர் திடீரென மாறியதை கவனித்தனர். எந்த அப்டேட்டும் செய்யாமல் ஏற்பட்ட இந்த மாற்றம் பலரையும் ஆச்சரியப்படுத்தியது. இது உண்மையில் ஆண்ட்ராய்டு 16 உடன் அறிமுகமான Google Material 3 Expressive redesign ஆகும்.

புதிய வடிவமைப்பில், ஒவ்வொரு கால் தனித்தனியாக பட்டியலிடப்படுகிறது, கால் ஹிஸ்டரி மற்றும் ஃபேவரிட்ஸ் ஒன்று சேர்ந்து ஹோம் டேப்பில் காணப்படுகிறது. பெரிய வட்டமான பொத்தான்கள், புதிய ஜெஸ்சர் சிஸ்டம் மற்றும் மிஸ்ட் அல்லது ஸ்பாம் கால் பிரிவுகளுக்கான பில்டர்கள் சேர்க்கப்பட்டுள்ளன. சர்வர்-சைட் செயல்பாட்டின் காரணமாக அனைவருக்கும் உடனடியாக இது கிடைத்துள்ளது. சிலருக்கு குழப்பமாக இருந்தாலும், கூகுள் இந்த ஆராய்ச்சி அடிப்படையிலான டிசைன் பயன்படுத்த எளிமையாக்கும் என தெரிவித்துள்ளது.