மத்திய கிழக்கில் ஈரான் மற்றும் இஸ்ரேல் இடையே போர் தொடங்கி 28 நாட்கள் ஆகியும் இன்னும் பதற்றம் தணியவில்லை. அமெரிக்க மற்றும் இஸ்ரேலிய தாக்குதல்களால் ஈரானின் பல பகுதிகளில் வெடிச்சத்தங்கள் கேட்ட வண்ணம் உள்ளன. கடுமையான இணையக் கட்டுப்பாடுகள் மற்றும் கண்காணிப்புகளுக்கு மத்தியிலும், மக்கள் தங்களின் வாழ்வாதார இழப்பு மற்றும் அன்றாடப் பொருட்கள் விலை உயர்வால் கடும் அவதிக்குள்ளாகி வருகின்றனர்.

இந்த போர் காரணமாகப் பல உயிரிழப்புகள் ஏற்பட்டுள்ள நிலையில், ஈரானின் பொருளாதாரம் மற்றும் சுற்றுலாத்துறை முற்றிலும் முடங்கியுள்ளது. ஏவுகணை தாக்குதல்கள் தினசரி வாழ்க்கையின் அங்கமாகிவிட்டதாகத் தெரிவிக்கும் மக்கள், எதிர்கால ஒப்பந்தங்கள் மற்றும் பாதுகாப்பு குறித்த அச்சத்தில் உள்ளனர். ஆயுதப்படை கண்காணிப்பால் சுதந்திரம் பறிக்கப்பட்டுள்ள நிலையில், தங்களின் உயிர் பிழைப்பதே பெரும் போராட்டமாக இருப்பதாக ஈரான் வாசிகள் வேதனை தெரிவிக்கின்றனர்.