செய்தி பிரிவு : இரும்பு வாணலியில் சமைப்பது பொதுவாக நல்லது என்றாலும் சில வகை உணவுகள் உடல்நலத்திற்கு கேடு விளைவிக்கும் என்று மருத்துவர் ஷாலினி சிங் எச்சரிக்கிறார். தக்காளி, எலுமிச்சை அல்லது புளி போன்ற அமிலத்தன்மை கொண்ட உணவுகளை இரும்புப் பாத்திரத்தில் சமைக்கும்போது அவை உலோகத்துடன் வினைபுரிந்து உணவு நச்சுத்தன்மையை (Food Poisoning) உண்டாக்கக்கூடும். தயிர், பால் சார்ந்த உணவுகள் மற்றும் வினிகர் சேர்த்த சீன உணவுகளை இதில் சமைப்பதைத் தவிர்க்க வேண்டும்.

இரும்பு வாணலியில் வெப்பம் சீராக பரவாததால் ராஜ்மா அல்லது கொண்டைக்கடலை போன்ற உணவுகள் சரியாக வேகாது, இது செரிமானக் கோளாறுகளை ஏற்படுத்தும். மேலும் பாலில் செய்த உணவுகள் இதில் சமைக்கும்போது திரிந்து போவதுடன் உணவின் சுவையும் நிறமும் முற்றிலும் மாறிவிடும். எனவே இரும்புப் பாத்திரத்தைப் பயன்படுத்தும்போது சரியான உணவுகளைத் தேர்ந்தெடுப்பது உங்கள் ஆரோக்கியத்திற்கு மிகவும் முக்கியமானது.