பாலிவுட் நடிகர் வருண் தவானின் ஒரு பழைய வீடியோ சமூக வலைத்தளங்களில் வைரலாகி சர்ச்சையை ஏற்படுத்தியுள்ளது. 2014 ஆம் ஆண்டு வெளியான ‘மெயின் தேரா ஹீரோ’ திரைப்படத்தின் படப்பிடிப்பின்போது எடுக்கப்பட்ட இந்த வீடியோவில், வருண் தனது இணை நடிகை நர்கிஸ் ஃபக்ரியை முத்தமிடுகிறார்.

இயக்குநர் டேவிட் தவான் ‘கட்’ என்று சொன்ன பிறகும், வருண் முத்தத்தை தொடர்ந்ததாக கூறப்படுகிறது. அதன் பிறகு அவர் சிரிக்கும்போது, பலர் அவரது இந்த செயலை விமர்சித்துள்ளனர். இது ஒரு திரைப்படத்தின் காட்சி என்றாலும், இயக்குநரின் உத்தரவை மீறியதற்காக வருணின் தொழில்முறை குறித்து பல பயனர்கள் கேள்வி எழுப்பியுள்ளனர்.