திருநெல்வேலி மாவட்டம் வெட்டியன்விளை பகுதியைச் சேர்ந்த 20 வயது இளைஞர் கோபாலகிருஷ்ணன். சம்பவம் நடந்த நாளில், அதே பகுதியில் உள்ள அரசு உயர்நிலைப் பள்ளியில் படிக்கும் 10 ஆம் வகுப்பு மாணவனை தனது இரண்டு நண்பர்களுடன் சந்தித்தார்.

அப்போது, தனக்குத் தெரிந்த ஒரு பெண்ணின் இன்ஸ்டாகிராம் ஐடி என்னவென்று சிறுவனிடம் கேட்டார். ஆனால், அதைக் கொடுக்க முடியாது என்று சிறுவன் கூறியதால், கோபாலகிருஷ்ணனும் அவரது இரண்டு நண்பர்களும் கோபமாக மாணவனை அடித்தனர்.

மாணவன் காயமடைந்தான். இதையடுத்து, வெட்டியன்விளை போலீசார் கோபாலகிருஷ்ணன் உட்பட 3 பேர் மீது வழக்குப் பதிவு செய்து விசாரித்து வருகின்றனர். இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.