கல்வான் மோதலுக்குப் பிறகு ஐந்து ஆண்டுகளுக்குப் பிறகு, மீண்டும் ஒருமுறை வெளிநாட்டுப் பொருட்களைப் புறக்கணிக்க வேண்டும் என்ற கோரிக்கை எழுந்துள்ளது, ஆனால் இந்த முறை அமெரிக்கப் பிராண்டுகள் குறிவைக்கப்படுகின்றன. இந்தியப் பொருட்களுக்கு அமெரிக்க அதிபர் டொனால்ட் டிரம்ப் 50% சுங்கவரி விதித்ததற்கு எதிர்ப்பு தெரிவித்து இந்தக் கோரிக்கை எழுந்துள்ளது. இந்த சுங்கவரிப் போருக்கு பதிலடி கொடுக்கும் வகையில், அமெரிக்க நிறுவனங்களுக்குப் பாடம் புகட்ட, அமெரிக்கப் பொருட்களைப் புறக்கணிக்க வேண்டும் என பலரும் சமூக வலைதளங்களில் வாதிடுகின்றனர்.

‘Wow Skin Science in India’-இன் இணை நிறுவனர் மனிஷ் சௌதரி, உள்நாட்டு விவசாயிகள் மற்றும் ஸ்டார்ட்அப்களின் நலன் கருதி அமெரிக்கப் பொருட்களைப் புறக்கணிக்க வேண்டும் என்று கூறியுள்ளார். அதேபோல், DriveU-வின் தலைமை நிர்வாக அதிகாரி ரஹ்ம் சாஸ்திரி, சீனா செய்ததுபோல, அமெரிக்க சமூக ஊடகங்களுக்கு மாற்று தளங்களை இந்தியா உருவாக்க வேண்டும் என்று பரிந்துரைத்துள்ளார். இந்த விவகாரம் சமூக வலைதளங்களில் தீவிர விவாதத்தை ஏற்படுத்தியுள்ளது.