திரைப்பட விழாவொன்றில் தனது சாதி குறித்து பெருமையாகப் பேசிய நடிகர் ஆர். பார்த்திபன் சமூக வலைதளங்களில் கடும் விமர்சனங்களை எதிர்கொண்டார். இதனையடுத்து தனது பேச்சுக்கு வருத்தம் தெரிவித்த அவர், தற்போது சாதி மற்றும் மதம் அற்றவர் என்ற சான்றிதழைப் பெற தீவிர முயற்சி மேற்கொண்டு வருவதாகத் தெரிவித்துள்ளார். இது திரைத்துறையிலும் இணையத்திலும் பெரும் விவாதத்தை ஏற்படுத்தியுள்ளது.

இருப்பினும் வெறும் சான்றிதழ் மட்டும் சாதியை ஒழித்துவிடாது என ப்ளூ சட்டை மாறன் உள்ளிட்டோர் விமர்சித்துள்ளனர். சாதி என்பது மனதில் இருக்கிறதே தவிர காகிதத்தில் இல்லை என்றும், அதனைச் செயலில் காட்ட வேண்டும் என்றும் பலரும் கருத்து தெரிவித்து வருகின்றனர். வெறும் மன்னிப்பு கோருவது மட்டும் போதாது என நெட்டிசன்கள் பார்த்திபனுக்கு அறிவுறுத்தி வருகின்றனர்.