ஆன்லைன் ரயில் டிக்கெட் முன்பதிவுக்கு ஆதார் இணைப்பு கட்டாயமாக்கப்பட்ட பின்னரும், பயணிகளின் சிரமங்கள் குறையவில்லை. இடைத்தரகர்களைத் தடுக்க இந்த நடவடிக்கை எடுக்கப்பட்டதாக ரயில்வே அதிகாரிகள் கூறினாலும், ஆதார் இணைக்கப்பட்ட பிறகும், டிக்கெட் முன்பதிவின்போது ஐஆர்சிடிசி இணையதளம் மற்றும் செயலி செயலிழப்பதாகப் பல பயணிகள் புகார் தெரிவிக்கின்றனர்.

அதிகாரப்பூர்வ இணையதளம் செயலிழக்கும்போது, சில மூன்றாம் தரப்பு இணையதளங்களில் கூடுதல் கட்டணத்தில் உறுதிப்படுத்தப்பட்ட டிக்கெட்டுகள் கிடைப்பதாக சில பயணிகள் குற்றம் சாட்டுகின்றனர். இந்த குற்றச்சாட்டு குறித்து ரயில்வே அமைச்சகம் எந்த கருத்தும் தெரிவிக்கவில்லை. இருப்பினும், ரயில்வே வாரிய வட்டாரங்கள், ஒரே நேரத்தில் அதிக எண்ணிக்கையிலான பயனர்கள் டிக்கெட் முன்பதிவு செய்ய முயற்சிப்பதால் சர்வர் செயலிழப்பது ஒரு பொதுவான பிரச்சினை என்று கூறுகின்றன.