ఆసియా కప్ 2025లో ఒమన్‌తో జరిగిన చివరి లీగ్ మ్యాచ్‌లో భారత కెప్టెన్ సూర్యకుమార్ యాదవ్ టాస్ గెలిచి బ్యాటింగ్‌ ఎంచుకున్నాడు. భారత జట్టు ఇప్పటికే సూపర్ 4కు అర్హత సాధించినప్పటికీ, ఈ మ్యాచ్ సన్నాహకాలకు కీలకంగా పరిగణించబడింది. టాస్ సమయంలో, అతను తన సహచరుడు రోహిత్ శర్మను గుర్తు చేసుకుంటూ, “నేను రోహిత్ లాగా మారిపోయాను” అని అనడం నవ్వులు పూయించింది.

ఆడే జట్టును ప్రకటిస్తున్నప్పుడు సూర్యకుమార్ యాదవ్ కాస్త గందరగోళానికి గురయ్యారు, ఇది రోహిత్ శర్మతో తరచుగా జరిగే సంఘటన. అందుకే సూర్య ఈ సరదా వ్యాఖ్య చేశారు. ఈ మ్యాచ్‌లో జస్‌ప్రీత్ బుమ్రా, వరుణ్ చక్రవర్తికి విశ్రాంతినివ్వగా, అర్ష్‌దీప్ సింగ్, హర్షిత్ రాణాలకు జట్టులో చోటు దక్కింది. అర్ష్‌దీప్ సింగ్‌కు 100 టీ20 వికెట్ల మైలురాయిని చేరుకునే అవకాశం ఉంది.