హాంకాంగ్‌లోని ఒక నిర్మాణ స్థలంలో తవ్వకాల సమయంలో సుమారు 100 సంవత్సరాల నాటి రెండవ ప్రపంచ యుద్ధం కాలం నాటి 450 కిలోల బరువు గల బాంబు లభించడంతో ఆ ప్రాంతంలో కలకలం చెలరేగింది. ఇది అత్యంత ప్రమాదకరమైనదిగా భావించిన అధికారులు, వెంటనే అప్రమత్తమై 18 భవనాల నుండి సుమారు 6,000 మందిని సురక్షిత ప్రాంతాలకు తరలించారు. ఈ బాంబు 1.5 మీటర్ల పొడవు ఉంది.

పోలీసులు, బాంబు నిపుణుల బృందం కలిసి బాంబును నిర్వీర్యం చేసే ప్రక్రియను ప్రారంభించాయి. హాంకాంగ్‌లో గతంలో కూడా రెండవ ప్రపంచ యుద్ధం కాలం నాటి అనేక బాంబులు లభించాయి. 2018లో వాన్ చాయ్ జిల్లాలో ఇలాంటి ఒక బాంబు దొరకగా, అప్పుడు 1,200 మందిని తరలించి దానిని నిర్వీర్యం చేయడానికి 20 గంటలు పట్టింది.