ప్రముఖ టెలివిజన్ నటి దీపికా కాకర్ తన జీవితంలో అత్యంత కష్టమైన దశను ఎదుర్కొంటున్నారు. ఇటీవల ఒక వ్లోగ్లో, ఆమెకు స్టేజ్-2 లివర్ క్యాన్సర్ ఉన్నట్లు వెల్లడించారు. మే నెల నుండి కడుపునొప్పి సమస్యతో ఆమె ఆసుపత్రికి వెళ్లగా, ఆమె లివర్లో టెన్నిస్ బాల్ సైజులో కణితి ఉన్నట్లు పరీక్షల్లో తెలిసింది. అయితే, ఈ క్యాన్సర్ ఇంకా శరీరంలోని ఇతర భాగాలకు వ్యాపించలేదని నివేదికలు తెలిపాయి.

ఈ కఠినమైన చికిత్స వల్ల శారీరకంగా, మానసికంగా ఎంతో బాధపడుతున్నానని దీపికా తెలిపారు. క్యాన్సర్ చికిత్స కారణంగా జుట్టు రాలడం, అలసట మరియు మూడ్ స్వింగ్స్ వంటి సమస్యలను ఆమె ఎదుర్కొంటున్నారు. ఈ కష్ట సమయంలో కూడా ఆమె ధైర్యంగా పోరాడుతున్నారు. చిన్నపాటి శారీరక సమస్యలను కూడా నిర్లక్ష్యం చేయకుండా, సమయానికి వైద్యుడిని సంప్రదించాలని ఆమె తన అభిమానులకు విజ్ఞప్తి చేశారు.