అమెరికా అధ్యక్షుడు డొనాల్డ్ ట్రంప్ విధించిన అధిక సుంకాలపై రష్యా విదేశాంగ మంత్రి సెర్గీ లావ్రోవ్ తీవ్రంగా విమర్శించారు. భారతదేశం, చైనా వంటి ‘పురాతన నాగరికతలు’ బెదిరింపులకు లొంగవని, వాటిపై ఒత్తిడి తీసుకురావడం విజయవంతం కాదని ఆయన అన్నారు. రష్యా చమురు వ్యాపారాన్ని నిలిపివేయాలని అమెరికా చేస్తున్న ‘డిమాండ్లు’ దేశాలను ‘కొత్త ఇంధన మార్కెట్లు, కొత్త వనరులను వెతకడానికి, ఎక్కువ చెల్లించడానికి’ బలవంతం చేస్తున్నాయని లావ్రోవ్ అన్నారు.

రష్యా నుంచి చమురు కొనుగోలు కొనసాగిస్తున్నందుకు అమెరికా భారత్‌పై అదనంగా 25 శాతం సుంకాన్ని విధించిన నేపథ్యంలో ఆయన ఈ వ్యాఖ్యలు చేశారు. ఈ సుంకం వల్ల న్యూఢిల్లీ మాస్కో నుంచి చమురు కొనడం మానేస్తుందని ట్రంప్ పరిపాలన పేర్కొంది. ఈ చర్య ఆ దేశాల ‘ఆర్థిక శ్రేయస్సును’ దెబ్బతీయడమే కాకుండా, అధిక ధరలకు కొత్త మార్కెట్లు, ఇంధన వనరులను వెతకడానికి వాటిని బలవంతం చేస్తుందని లావ్రోవ్ అన్నారు.