శరీరంపై తరచుగా నల్ల మచ్చలు ఏర్పడటం లేదా చిన్న గాయాలకు కూడా సులువుగా కమిలిపోవడం కొన్ని తీవ్రమైన వ్యాధుల లక్షణం కావచ్చు. రక్తస్రావ సమస్యలు, విటమిన్ల లోపం లేదా కాలేయ వ్యాధులు దీనికి ప్రధాన కారణాలు. రక్తం గడ్డకట్టడంలో సమస్యలు, విటమిన్ సి మరియు కె లోపం లేదా కాలేయ సిర్రోసిస్ వంటి వ్యాధులు శరీరంలో నల్ల మచ్చలు ఏర్పడటానికి కారణం కావచ్చు. ఇలాంటి లక్షణాలు తరచుగా కనిపిస్తే వెంటనే వైద్య సలహా తీసుకోవడం అవసరం.

ఇది హీమోఫిలియా లేదా క్యాన్సర్ వంటి తీవ్రమైన వ్యాధులకు కూడా ఒక సంకేతం కావచ్చు. ముఖ్యంగా, బ్లడ్ క్యాన్సర్ లేదా బోన్ మ్యారో క్యాన్సర్ కారణంగా శరీరంలో ఇలాంటి మచ్చలు కనిపించవచ్చు. ఆస్పిరిన్ వంటి కొన్ని మందులు రక్తం గడ్డకట్టడాన్ని నిరోధిస్తాయి, దీనివల్ల తరచుగా నల్ల మచ్చలు పడే అవకాశం పెరుగుతుంది. అందువల్ల, మీ శరీరంలో ఏవైనా అసాధారణ మార్పులు జరిగితే వాటిని తీవ్రంగా పరిగణించడం ముఖ్యం.