ముంబైలోని ఒక బహుళ అంతస్తుల భవనంలో 13వ అంతస్తు కిటికీ నుండి పడి నాలుగేళ్ల చిన్నారి దారుణంగా మరణించింది. ఈ హృదయ విదారక దృశ్యం సీసీటీవీ కెమెరాల్లో రికార్డ్ అయ్యింది. ఈ సంఘటన, తల్లి కారిడార్‌లోని కిటికీ ముందు ఉన్న ఒక పొడవైన రాక్ పై తన బిడ్డను కూర్చోబెట్టి బయటకు వెళ్లడానికి చెప్పులు తీస్తున్న సమయంలో జరిగింది. ఆ చిన్నారి రాక్ నుండి పైకి లేవగానే కిటికీలోంచి కింద పడిపోయింది.

महाराष्ट्र के नायगांव में मां ने चप्पल उठाने के लिए चार साल की बच्ची को खिड़की पर बैठाया लेकिन संतुलन बिगड़ने से बच्ची 12वीं मंज़िल से गिर गई और उसकी मौके पर ही मौत हो गई. pic.twitter.com/aYz7mhDGS6

— Deepak Singh (@SinghDeepakUP) July 25, 2025

పోలీసులు తెలిపిన వివరాల ప్రకారం, ఈ ప్రమాదం ముంబైలోని నగావ్‌లోని నవకర్ సిటీలోని ఒక భవనంలో జరిగింది. మరణించిన చిన్నారి పేరు అన్వికా. స్థానికులు ఆమెను రక్షించి వసాయి వెస్ట్‌లోని సర్ డి.ఎం. పెటిట్ ఆసుపత్రికి తరలించారు, అయితే అప్పటికే ఆమె మరణించినట్లు వైద్యులు ప్రకటించారు. ఈ ఘటన చిన్నారి తల్లి నిర్లక్ష్యంపై ప్రశ్నలు లేవనెత్తుతోంది, పోలీసులు దర్యాప్తు ప్రారంభించారు.