ప్రపంచవ్యాప్తంగా ఫ్యాటీ లివర్ సమస్య వేగంగా పెరుగుతోంది. భారతదేశంలో ప్రతి పది మందిలో ముగ్గురు ఈ సమస్యతో బాధపడుతున్నారు.

కాలేయంలో అదనపు కొవ్వు పేరుకుపోవడం వల్ల దాని పనితీరు ప్రభావితమవుతుంది. జీర్ణక్రియకు ఎంజైమ్‌లు, హార్మోన్లు, కొలెస్ట్రాల్‌ను తయారు చేయడం వంటి ముఖ్యమైన విధులను కాలేయం నిర్వహిస్తుంది. కొవ్వు పెరిగినప్పుడు, కాలేయం క్రమంగా బలహీనపడుతుంది. ఈ ఐదు పదార్థాల ద్వారా లివర్‌ను కాపాడుకోవచ్చని నిపుణులు చెబుతున్నారు. అవేంటో ఇప్పుడు చూద్దాం..

ఆపిల్ సైడర్ వెనిగర్ (ACV): ఆపిల్ సైడర్ వెనిగర్ కాలేయంలో నిల్వ ఉన్న అదనపు కొవ్వును తగ్గించడంలో సహాయపడుతుంది. దాని పనితనాన్ని మెరుగుపరుస్తుంది. శరీరం కొవ్వును బాగా ప్రాసెస్ చేయడానికి వీలు కల్పిస్తుందని పరిశోధనలు చెబుతున్నాయి. రక్తంలో చక్కెరను నియంత్రించడంలో ఏసీవీ ఉపయోగపడుతుంది. ఒక గ్లాసు నీటిలో ఒకటి లేదా రెండు టీస్పూన్ల ఏసీవీని కలిపి ఉదయం ఖాళీ కడుపుతో తాగాలి.

నిమ్మకాయ నీరు: నిమ్మకాయ నీరు కాలేయానికి ప్రయోజనకరంగా ఉంటుంది. ఇది కాలేయాన్ని శుభ్రపరుస్తుంది. లివర్‌లో పేరుకుపోయిన కొవ్వును తగ్గిస్తుంది. దీంతో కాలేయం పనితీరు మెరుగుపడుతుంది. ప్రతి రోజూ ఉదయం గోరువెచ్చని నీటిలో నిమ్మరసం కలిపి తాగాలి.

గ్రీన్ టీ: గ్రీన్ టీలో కాటెచిన్స్ అనే యాంటీఆక్సిడెంట్లు ఉంటాయి. ఇవి కాలేయం ఆరోగ్యాన్ని కాపాడతాయి. గ్రీన్ టీ కాలేయ ఎంజైమ్‌లను సమతుల్యం చేస్తుంది. కాలేయంలో పేరుకుపోయిన అదనపు కొవ్వును తగ్గిస్తుంది. రోజుకు రెండు నుంచి మూడు కప్పులు టీని తాగాలి.

ఆమ్లా (ఇండియన్ గూస్బెర్రీ లేదా ఆమ్లా): ఆయుర్వేదంలో ఆమ్లాను సూపర్ ఫుడ్‌గా పరిగణిస్తారు. కాలేయ పనితీరును మెరుగుపరచడంలో, డీటాక్స్ చేయడంలో.. కొలెస్ట్రాల్‌ను నియంత్రించడంలో ఇది సహాయపడుతుంది. జీర్ణక్రియను మెరుగుపరుస్తుంది. ఆమ్లాను చట్నీ, రసం, లేదా పొడి రూపంలో తీసుకోవచ్చు.

తాజా పసుపు: ముడి పసుపులో ప్రాసెస్ చేసిన పసుపు కంటే ఎక్కువ కర్కుమిన్ ఉంటుంది. ఇది శక్తివంతమైన యాంటీ ఇన్ఫ్లమేటరీ, యాంటీఆక్సిడెంట్ మూలకం. ఈ తాజా పసుపు కాలేయాన్ని నిర్విషీకరణ చేస్తుంది. కాలేయ కణాలను మరమ్మతు చేస్తుంది. వాపును తగ్గిస్తుంది.