నల్గొండ జిల్లా నకిరేకల్‌లోని SLBC బాలికల గురుకుల పాఠశాలలో తెలుగు పేపర్ లీక్ వ్యవహారం పెద్ద కలకలం రేపింది. ఈ ఘటనపై విద్యాశాఖ తీవ్రంగా స్పందించింది. లీక్‌కు కారణమైన అధికారులపై కఠిన చర్యలు చేపట్టింది. ఇందులో భాగంగా చీఫ్ సూపరింటెండెంట్, డిపార్ట్‌మెంటల్ ఆఫీసర్లను విధుల నుండి సస్పెండ్ చేసింది. పేపర్ లీక్‌కు సహకరించిన విద్యార్థినిని కూడా డిబార్ చేసింది. విద్యా వ్యవస్థపై ప్రజల్లో నమ్మకం కోల్పోకుండా ఉండేందుకు ప్రభుత్వం ఈ చర్యలు తీసుకుంది.

గత కొన్ని రోజులుగా పరీక్షా ప్రశ్నాపత్రాలు లీక్ అవుతున్న వార్తలు విద్యార్థులు, తల్లిదండ్రుల్లో ఆందోళన రేకెత్తిస్తున్నాయి. నిన్నటి రోజున తెలుగు ప్రశ్నాపత్రానికి సంబంధించిన ఓ వీడియో సోషల్ మీడియాలో వైరల్ అయ్యింది. ఈ ఘటనపై విచారణ జరిపిన విద్యాశాఖ అధికారులు, లీక్‌కు సంబంధించిన వ్యక్తులపై తగిన చర్యలు తీసుకున్నారు. ప్రభుత్వ పరీక్షల భద్రతను పటిష్టం చేసేందుకు మరిన్ని చర్యలు తీసుకుంటామని విద్యాశాఖ స్పష్టం చేసింది.