18 సంవత్సరాల లోపు పిల్లలు సోషల్ మీడియా వాడకుండా కేంద్ర ప్రభుత్వం కఠిన చర్యలకు సిద్ధమవుతోంది. ఇందులో భాగంగా సమాచార సాంకేతిక (IT) నిబంధనలను సవరించేందుకు ప్రతిపాదనలు సిద్ధం చేస్తోంది.

సుప్రీంకోర్టులో జరిగిన విచారణ సందర్భంగా సొలిసిటర్ జనరల్ తుషార్ మెహతా ఈ విషయాన్ని వెల్లడిస్తూ, మైనర్లు సోషల్ మీడియా ఖాతాలు తెరవకుండా చట్టబద్ధంగా నిషేధించే యోచనలో ఉన్నట్లు తెలిపారు. అయితే విద్యా సంబంధిత వెబ్‌సైట్ల వినియోగానికి తల్లిదండ్రుల సమ్మతి నిబంధన కొనసాగుతుంది.