బెంగళూరు శివారు ప్రాంతంలో రియల్టర్ లోక్‌నాథ్ సింగ్‌ను హత్య చేసిన ఘటనలో షాకింగ్ వివరాలు బయటపడ్డాయి. అతని భార్య యశస్విని సింగ్ (19) మరియు అత్త హేమ బాయి (37) ఈ హత్యకు పాల్పడ్డారు. లోక్‌నాథ్ వేధింపులు, హింసకు వ్యతిరేకంగా యశస్విని, హేమ బాయి ఈ దారుణ చర్యకు పాల్పడ్డారని పోలీసులు తెలిపారు. విచారణలో నిందితులు తమ నేరాన్ని అంగీకరించారు.

లోక్‌నాథ్ యశస్వినిని ఇంట్లోనే హింసించేవాడు. అంతేకాక, అత్త హేమ బాయితో అక్రమ సంబంధం కోసం ఒత్తిడి చేస్తున్నాడని యశస్విని ఫిర్యాదు చేసింది. ఈ ఒత్తిడి తాళలేక యశస్విని తన పుట్టింటికి వెళ్లింది. అయితే, లోక్‌నాథ్ ఆమెను వదలకుండా బెదిరింపులు కొనసాగించాడు. చివరికి యశస్విని, హేమ బాయి కలిసి లోక్‌నాథ్‌ను హత్య చేయాలని నిర్ణయించుకున్నారు. శనివారం ఉదయం లోక్‌నాథ్‌ను బీరు తాగించి, నిద్రమాత్రలు కలిపిన ఆహారం ఇచ్చి మత్తెక్కించారు. తర్వాత హేమ బాయి కత్తితో అతని మెడపై దాడి చేసింది. గాయపడిన లోక్‌నాథ్ పరిగెత్తుతున్నప్పుడు స్థానికులు అతనిని గమనించి పోలీసులకు తెలియజేశారు. అయితే, అతను ప్రాణాలు కోల్పోయాడు. ఈ ఘటన తర్వాత పోలీసులు యశస్విని, హేమ బాయిని అరెస్ట్ చేసి విచారణ కొనసాగిస్తున్నారు.