అమెరికా మాజీ అధ్యక్షుడు డొనాల్డ్ ట్రంప్ విధించిన పరస్పర పన్నులు చెల్లవని సుప్రీంకోర్టు తీర్పునివ్వడంతో, ప్రముఖ డెలివరీ సంస్థ ఫెడెక్స్ ట్రంప్ యంత్రాంగంపై కేసు వేసింది. తాము చెల్లించిన పన్ను మొత్తాన్ని వెంటనే తిరిగి చెల్లించాలని డిమాండ్ చేస్తూ అంతర్జాతీయ వాణిజ్య కోర్టును ఆశ్రయించింది. తన అధికార పరిధిని మించి ట్రంప్ ఈ పన్నులు విధించారని కోర్టు పేర్కొనడం ఆయనకు గట్టి ఎదురుదెబ్బగా మారింది.

అయితే, ఈ పన్నుల వాపసీ ప్రక్రియ అంత సులభం కాదని నిపుణులు భావిస్తున్నారు. సుప్రీంకోర్టు పన్నులను రద్దు చేసినప్పటికీ, వసూలు చేసిన మొత్తాన్ని తిరిగి ఇచ్చే విషయంపై స్పష్టత ఇవ్వలేదు. ఈ నేపథ్యంలో ఫెడెక్స్ అడుగుజాడల్లో మరిన్ని సంస్థలు కోర్టుకు వెళ్లే అవకాశం ఉంది. మరోవైపు, ట్రంప్ సర్కార్ పట్టువదలకుండా కొత్తగా 15 శాతం వరకు అదనపు పన్నులను విధిస్తూ నిర్ణయం తీసుకుంది.