బారామతిలో జరిగిన అజిత్ పవార్ విమాన ప్రమాదంపై దర్యాప్తు తుది దశకు చేరుకుంది. విమానానికి సంబంధించిన బ్లాక్ బాక్స్ డేటాను విజయవంతంగా సేకరించామని, ఫిబ్రవరి 28లోపు ప్రాథమిక నివేదికను విడుదల చేస్తామని కేంద్ర మంత్రి మురళీధర్ మోహోల్ ప్రకటించారు. అంతర్జాతీయ ప్రమాణాల ప్రకారం ఈ విచారణ అత్యంత పారదర్శకంగా సాగుతోంది.

ప్రమాదానికి గురైన లియర్‌జెట్ 45 వాయిస్ రికార్డర్ పాక్షికంగా దెబ్బతినడంతో నిపుణుల సహాయం తీసుకుంటున్నారు. ఈ ఘటన వెనుక కుట్ర ఉందన్న రోహిత్ పవార్ ఆరోపణల నేపథ్యంలో రాజకీయ ప్రకంపనలు రేగుతున్నాయి. ప్రస్తుతం సదరు విమానయాన సంస్థ భద్రతా వైఫల్యాలపై డిజిసిఎ ప్రత్యేక ఆడిట్ నిర్వహిస్తోంది. నివేదిక కోసం యావత్ మహారాష్ట్ర ఆసక్తిగా ఎదురుచూస్తోంది.