ఏపీలో ప్రభుత్వ సేవలను మరింత వేగవంతం చేసేందుకు ముఖ్యమంత్రి చంద్రబాబు నాయుడు ఉద్యోగులకు బంపర్ ఆఫర్ ప్రకటించారు. ఇకపై ప్రతి నెలా ఉత్తమ ప్రతిభ కనబరిచే సిబ్బందికి ప్రత్యేక అభినందన పత్రాలతో పాటు ప్రోత్సాహకాలు అందించనున్నారు. ఈ ప్రశంసలను వారి వ్యక్తిగత సర్వీస్ రికార్డుల్లో కూడా నమోదు చేయాలని సీఎం అధికారులను ఆదేశించారు.

ప్రజలకు మెరుగైన సేవలు అందించడమే లక్ష్యంగా ఈ కొత్త విధానాన్ని ప్రభుత్వం అమలు చేస్తోంది. పనితీరు బాగున్న వారిని గుర్తించడమే కాకుండా, వెనుకబడిన వారిని మోటివేట్ చేయాలని చంద్రబాబు సూచించారు. ఈ నిర్ణయం వల్ల ఉద్యోగుల్లో ఆరోగ్యకరమైన పోటీ పెరిగి, ప్రభుత్వ శాఖల్లో జవాబుదారీతనం పెరుగుతుందని అధికారులు భావిస్తున్నారు.