బెంగళూరులో వాలెంటైన్స్ డే నాడు ఒక కాలేజీ విద్యార్థినిపై ఆమె ప్రియుడు దిక్సన్ మరియు స్నేహితుడు నిఖిల్ కలిసి సామూహిక అత్యాచారానికి పాల్పడ్డారు. ఇన్ స్టాగ్రామ్ ద్వారా పరిచయమైన ప్రియుడి మాటలు నమ్మి పార్టీకి వెళ్లిన యువతికి మత్తుమందు ఇచ్చి ఈ దారుణానికి ఒడిగట్టారు. నిందితులు ఈ ఘటనను వీడియో తీసి, బయటపెడతామని బెదిరిస్తూ యువతి నుండి 20 లక్షల రూపాయలు డిమాండ్ చేశారు.

బాధితురాలి ఫిర్యాదు మేరకు అమృతహళ్లి పోలీసులు కేసు నమోదు చేసి దర్యాప్తు ప్రారంభించారు. గతంలో బెంగళూరులో పశ్చిమ బెంగాల్‌కు చెందిన మహిళపై జరిగిన అరాచకం మరువక ముందే మరో దారుణం వెలుగులోకి రావడం స్థానికంగా కలకలం రేపుతోంది. పరారీలో ఉన్న నిందితుల కోసం పోలీసులు గాలింపు చర్యలు ముమ్మరం చేశారు.