ఢిల్లీ అసెంబ్లీ, ఎర్రకోట మరియు రెండు పాఠశాలలను బాంబులతో పేల్చివేస్తామంటూ వచ్చిన ఈమెయిల్ రాజధానిలో కలకలం రేపింది. ఒక ఖలిస్తానీ గ్రూప్ పేరుతో పంపిన ఈ సందేశం భద్రతా సంస్థలను ఉలిక్కిపడేలా చేసింది. వెంటనే రంగంలోకి దిగిన బాంబు స్క్వాడ్ ఆయా ప్రాంతాల్లో క్షుణ్ణంగా తనిఖీలు చేపట్టింది. అయితే ఎక్కడా ఎటువంటి పేలుడు పదార్థాలు లభించలేదని, ఇవన్నీ కేవలం పుకార్లేనని పోలీసులు స్పష్టం చేశారు.

గడిచిన ఏడాదిన్నర కాలంలో ఢిల్లీలోని విద్యాసంస్థలు, ప్రభుత్వ కార్యాలయాలకు ఇలాంటి బెదిరింపులు రావడం ఇది 50వ సారి. సోమవారం ఉదయం ఆర్మీ పబ్లిక్ స్కూల్ మరియు ఎయిర్ ఫోర్స్ బాల్ భారతి స్కూల్‌కు కూడా ఇటువంటి మెయిల్స్ వచ్చాయి. ఈ ఘటనలపై సైబర్ సెల్ విచారణ జరుపుతోంది. పదేపదే జరుగుతున్న ఇటువంటి చర్యల నేపథ్యంలో భద్రతా దళాలు హై అలర్ట్ ప్రకటించి పరిస్థితిని సమీక్షిస్తున్నాయి.