న్యూస్ డెస్క్ : సమాధి చేసిన 20 ఏళ్ల తర్వాత కూడా ఒక వ్యక్తి మృతదేహం ఏమాత్రం కుళ్ళిపోకుండా అలాగే ఉండటం చూసి స్థానికులు ఆశ్చర్యపోతున్నారు. ఉత్తరప్రదేశ్‌లోని కౌశంబి జిల్లాలో వెలుగుచూసిన ఈ ఘటన సామాన్య ప్రజలను విస్మయానికి గురిచేస్తోంది. సాధారణంగా మనిషి శరీరం కొన్ని రోజుల్లోనే మట్టిలో కలిసిపోతుంది, కానీ ఇక్కడ మౌలానా అన్సార్ శరీరం దశాబ్దాల తర్వాత కూడా తాజాగా ఉండటం అందరినీ ఆలోచింపజేస్తోంది.

తండ్రి కలలోకి వచ్చి చెప్పడంతో అతని కుమారుడు సమాధిని బాగు చేయడానికి తవ్వగా ఈ విషయం బయటపడింది. 2003లో మరణించిన మౌలానా శరీరం మరియు కఫన్ బట్ట ఏమాత్రం పాడవకుండా ఉండటం చూసి వేలాది మంది జనం అక్కడికి చేరుకున్నారు. ఈ వింత ఘటన స్థానికంగా పెద్ద చర్చకు దారితీసింది మరియు ప్రజల నమ్మకాలను మరింత బలోపేతం చేసింది.