మహారాష్ట్ర రాజధాని ముంబై వేదికగా జరుగుతున్న ప్రతిష్టాత్మక ‘క్లైమేట్ వీక్’ సదస్సులో తెలంగాణ ముఖ్యమంత్రి ఎనుముల రేవంత్ రెడ్డి సందడి చేశారు. మహారాష్ట్ర ఉప ముఖ్యమంత్రి దేవేంద్ర ఫడ్నవీస్ ప్రత్యేక ఆహ్వానం మేరకు ఈ కార్యక్రమానికి హాజరైన ఆయన, తెలంగాణ రాష్ట్రం సాధిస్తున్న అద్భుత ప్రగతిని ప్రపంచానికి వివరించనున్నారు.

ముంబైలోని బాంద్రా కుర్లా కాంప్లెక్స్‌లో ఉన్న జియో కన్వెన్షన్ సెంటర్‌లో ఈ భారీ సదస్సును ప్రధానమంత్రి నరేంద్ర మోదీ ప్రారంభించారు. మూడు రోజుల పాటు జరగనున్న ఈ సదస్సులో హైదరాబాద్ మహానగర విస్తరణ, పర్యావరణ పరిరక్షణలో రాష్ట్రం తీసుకుంటున్న చర్యలు మరియు తెలంగాణ విజయగాథలను సీఎం రేవంత్ రెడ్డి ఈ వేదికపై చాటి చెప్పనున్నారు. ఈ పర్యటనలో భాగంగా పలువురు పారిశ్రామికవేత్తలు, అంతర్జాతీయ ప్రతినిధులతో కూడా ముఖ్యమంత్రి భేటీ అయ్యే అవకాశం ఉంది.