ప్రయాణికుల సంఖ్య తక్కువగా ఉండటంతో ఉదయపూర్ సిటీ నుండి ఆగ్రా కాంటోన్మెంట్ మధ్య నడిచే వందే భారత్ ఎక్స్‌ప్రెస్ ఈ ఆదివారం నుంచి నిలిచిపోనుంది. సెప్టెంబర్ 2024లో ప్రారంభమైన ఈ సెమీ హైస్పీడ్ రైలు శనివారం చివరిసారిగా పట్టాలపై పరుగులు తీయనుంది. పరిమిత స్టాపింగ్‌ల కారణంగా సీట్లు ఖాళీగా ఉండటంతో రైల్వే శాఖ ఈ కఠిన నిర్ణయం తీసుకుంది.

ప్రస్తుతానికి ఈ రైలును ఉదయపూర్ నుండి అహ్మదాబాద్ అసర్వా వరకు నడపాలని అధికారులు యోచిస్తున్నారు. పర్యాటక సీజన్‌లో ఈ సేవలు నిలిపివేయడం వల్ల రాజస్థాన్ మరియు ఉత్తరప్రదేశ్ పర్యాటకులు తీవ్ర ఇబ్బందులు ఎదుర్కొనే అవకాశం ఉంది. దీనితో ఆగ్రా మార్గంలో వందే భారత్ రైళ్ల సంఖ్య మూడుకు తగ్గింది.