టీ20 ప్రపంచకప్‌లో నమీబియాను చిత్తు చేసి పాయింట్ల పట్టికలో అగ్రస్థానంలో నిలిచిన సూర్యకుమార్ సేన ఇప్పుడు కొలంబోకు బయలుదేరింది. ఫిబ్రవరి 15న చిరకాల ప్రత్యర్థి పాకిస్థాన్‌తో జరిగే కీలక పోరులో భారత్ గెలిస్తే సూపర్ 8 దశకు అర్హత సాధిస్తుంది.

గణాంకాల పరంగా భారత్ బలంగా ఉన్నప్పటికీ కొలంబో వాతావరణం అభిమానులను ఆందోళనకు గురిచేస్తోంది. ఈ హై-వోల్టేజ్ మ్యాచ్ కోసం భారత తుది జట్టులో మార్పులు జరిగే అవకాశం ఉంది. ముఖ్యంగా అభిషేక్ శర్మ పునరాగమనంపై క్రికెట్ వర్గాల్లో ఆసక్తికర చర్చ నడుస్తోంది.