ఐపీఎల్ ఫిక్సింగ్ వ్యవహారంలో ఐపీఎస్ అధికారి జి. సంపత్ కుమార్‌పై దాఖలైన పరువు నష్టం కేసులో మద్రాస్ హైకోర్టు కీలక ఆదేశాలు జారీ చేసింది. ఈ కేసుకు సంబంధించి మహేంద్ర సింగ్ ధోనీ 10 లక్షల రూపాయలు జమ చేయాలని కోర్టు పేర్కొంది. గతంలో తనపై వచ్చిన ఆరోపణలకు వ్యతిరేకంగా ధోనీ 100 కోట్ల రూపాయల దావా వేసిన సంగతి తెలిసిందే.

అయితే ఈ మొత్తం జరిమానా కాదు, కేవలం కేసు పత్రాలు మరియు సీడీల అనువాద ఖర్చుల కోసమేనని కోర్టు స్పష్టం చేసింది. అనువాదకులు మరియు టైపిస్టుల వేతనాల నిమిత్తం ఈ నిధులను వెచ్చించాలని ధోనీని కోరింది. ఐపీఎల్ కొత్త సీజన్ ప్రారంభానికి ముందు జరిగిన ఈ పరిణామం క్రీడారంగంలో హాట్ టాపిక్‌గా మారింది.