గత ఏడాది నవంబర్ 9న ఢిల్లీలోని ఎర్రకోట పరిసరాల్లో జరిగిన ఉగ్రదాడి వెనుక జైషే మహ్మద్ హస్తం ఉందని ఐక్యరాజ్యసమితి భద్రతా మండలి తన తాజా నివేదికలో స్పష్టం చేసింది. ఈ దాడుల్లో 15 మంది ప్రాణాలు కోల్పోగా, భారత వాదనకు అంతర్జాతీయ స్థాయిలో గుర్తింపు లభించింది. ఈ ఉగ్ర ముఠా కార్యకలాపాలపై ఐరాస నివేదిక కీలక అంశాలను వెల్లడించింది.

ముఖ్యంగా జైషే చీఫ్ మసూద్ అజార్ మహిళలతో కూడిన ప్రత్యేక విభాగాన్ని ఏర్పాటు చేస్తున్నట్లు నివేదిక పేర్కొంది. ‘జమాత్-ఉల్-ముమినాత్’ పేరుతో మహిళా ఉగ్రవాదులను తయారు చేస్తూ, ఆయుధాల సరఫరా మరియు రిక్రూట్‌మెంట్ కోసం వారిని ఉపయోగిస్తున్నారని సమాచారం. నిఘా సంస్థల కళ్లుగప్పి కార్యకలాపాలు సాగించేందుకే ఉగ్ర సంస్థలు ఈ వ్యూహాన్ని అనుసరిస్తున్నట్లు తెలుస్తోంది.