దాదాపు 79 ఏళ్ల సుదీర్ఘ చారిత్రక ప్రస్థానం తర్వాత, ప్రధానమంత్రి కార్యాలయం (PMO) ఢిల్లీలోని సౌత్ బ్లాక్ నుండి సెంట్రల్ విస్టాలోని కొత్త ప్రాంగణానికి మారింది. ‘సేవా తీర్థం’గా పిలిచే ఈ అత్యాధునిక కాంప్లెక్స్‌లోని మూడు భవనాల నుండి ప్రధానమంత్రి నరేంద్ర మోదీ ఇకపై పాలనా వ్యవహారాలను పర్యవేక్షిస్తారు. బ్రిటిష్ కాలం నాటి వారసత్వాన్ని వీడి, ప్రజాసేవయే పరమావధిగా ఈ మార్పు జరిగింది.

ఈ కొత్త ప్రాంగణంలో పిఎమ్‌ఓతో పాటు క్యాబినెట్ సెక్రటేరియట్ మరియు జాతీయ భద్రతా సలహాదారు కార్యాలయాలు కూడా కొలువుదీరాయి. వీటితో పాటు పలు కీలక కేంద్ర మంత్రిత్వ శాఖలను కూడా కర్తవ్య భవన్‌కు తరలించారు. ఈ చారిత్రక మార్పు భారత పరిపాలనా వ్యవస్థలో ఒక కొత్త శకానికి నాంది పలికింది.