ఉత్తరప్రదేశ్ లోని ముజఫర్ నగర్ జిల్లా జానసత్ ప్రాంతంలో పెళ్లికి సిద్ధమవుతున్న ఓ యువతి ప్రియుడి చేతిలో దారుణ హత్యకు గురైంది. ప్రగతి అనే యువతికి ఈ నెల 8వ తేదీన వివాహం జరగాల్సి ఉండగా, తన ప్రియురాలు వేరొకరికి సొంతమవుతుందనే కోపంతో ఆమె ప్రియుడు రోహిత్ ఈ ఘాతుకానికి ఒడిగట్టాడు. తొలుత ప్రగతి గొంతు కోసి చంపిన రోహిత్, ఆపై తాను కూడా గొంతు కోసుకుని ఆత్మహత్య చేసుకున్నాడు. వీరిద్దరూ ఢిల్లీ మరియు నోయిడాలలో ఉద్యోగం చేస్తున్నారని, ఒకే గ్రామానికి చెందిన వారని సమాచారం.

ఈ జంట హత్యల వార్త స్థానికంగా తీవ్ర కలకలం రేపింది. ఘటనా స్థలానికి ఎస్ఎస్పీ సహా భారీ పోలీసు బలగాలు చేరుకుని మృతదేహాలను పోస్టుమార్టం నిమిత్తం తరలించారు. తన కళ్లముందే ప్రియురాలు మరొకరి భార్య కాబోతుందనే ఆవేదనతోనే రోహిత్ ఈ అఘాయిత్యానికి పాల్పడినట్లు పోలీసులు ప్రాథమికంగా నిర్ధారించారు. ప్రస్తుతం ఈ ఘటనపై కేసు నమోదు చేసిన పోలీసులు తదుపరి దర్యాప్తు కొనసాగిస్తున్నారు. నిశ్చితార్థం ముగిసి పెళ్లి పనుల్లో ఉన్న కుటుంబాల్లో ఈ విషాదం తీవ్ర విషాదాన్ని నింపింది.