ఇండోనేషియాకు చెందిన ఒక మహిళ చేసిన వింత వాదన ఇప్పుడు సోషల్ మీడియాలో వైరల్‌గా మారింది. తాను ఏ పురుషుడితోనూ శారీరక సంబంధం పెట్టుకోకుండానే, కేవలం గాలి తన శరీరంలోకి ప్రవేశించడం వల్ల గర్భం దాల్చానని ఆమె పేర్కొంది. మధ్యాహ్నం ప్రార్థన ముగించుకుని విశ్రాంతి తీసుకుంటుండగా ఒక్కసారిగా గాలి సోకిందని, ఆ తర్వాత 15 నిమిషాల్లోనే కడుపు నొప్పి వచ్చి పండంటి ఆడబిడ్డకు జన్మనిచ్చానని ఆమె వెల్లడించింది. స్థానిక ఆసుపత్రిలో సాధారణ ప్రసవం ద్వారా 2.9 కిలోల బరువున్న ఆరోగ్యకరమైన శిశువు జన్మించింది.

ఈ వింత ఘటనపై వైద్య నిపుణులు స్పందిస్తూ, ఇది ‘క్రిప్టిక్ ప్రెగ్నెన్సీ’ (Cryptic Pregnancy) అయ్యే అవకాశం ఉందని అభిప్రాయపడుతున్నారు. ఇటువంటి సందర్భాల్లో మహిళలకు తాము గర్భవతి అనే విషయం ప్రసవ సమయం వరకు తెలియకపోవచ్చని కమ్యూనిటీ క్లినిక్ హెడ్ ఇమాన్ సులేమాన్ తెలిపారు. ప్రస్తుతం స్థానిక పోలీసులు ఈ కేసుపై దృష్టి సారించారు. ఆ మహిళ గత వివాహం మరియు ఇతర సంబంధాల కోణంలో లోతుగా విచారణ జరుపుతున్నారు, తద్వారా ఈ అసాధారణ ఘటన వెనుక ఉన్న అసలు నిజాన్ని బయటపెట్టే ప్రయత్నం చేస్తున్నారు.