భారత్ మరియు అమెరికాల మధ్య కుదిరిన కీలక వాణిజ్య ఒప్పందం నేపథ్యంలో అమెరికా వాణిజ్య ప్రతినిధి కార్యాలయం సోషల్ మీడియాలో పోస్ట్ చేసిన ఒక మ్యాప్ అంతర్జాతీయంగా సంచలనం సృష్టించింది. సాధారణంగా వివాదాస్పదంగా చూపించే పాక్ ఆక్రమిత కాశ్మీర్ మరియు అక్సాయ్ చిన్ ప్రాంతాలను ఈ మ్యాప్‌లో భారత్‌లో అంతర్భాగంగా చూపించారు. అయితే ఈ మ్యాప్ ప్రపంచవ్యాప్తంగా చర్చకు దారితీయడంతో, అమెరికా వాణిజ్య ప్రతినిధి కార్యాలయం వెంటనే స్పందించి తన అధికారిక ఎక్స్ ఖాతా నుండి ఆ పోస్ట్‌ను పూర్తిగా తొలగించింది. ఇది పొరపాటున జరిగిందా లేక వ్యూహాత్మక మార్పా అనే చర్చలకు దీనితో తెరపడింది.

చాలా కాలంగా కొనసాగుతున్న వాణిజ్య వివాదాల తర్వాత భారత్ మరియు అమెరికా సుంకాలను తగ్గించుకోవడానికి అంగీకరించాయి. అమెరికా భారత్ నుంచి వచ్చే వస్తువులపై సుంకాన్ని 18 శాతానికి తగ్గించగా, భారత్ అమెరికన్ వస్తువులపై సుంకాన్ని సున్నాకు తగ్గించింది. భారత్ ఎప్పుడూ జమ్మూ కాశ్మీర్ మరియు అక్సాయ్ చిన్ ప్రాంతాలను తన సొంత భూభాగంగా పేర్కొంటున్నప్పటికీ, అంతర్జాతీయ ఏజెన్సీలు వీటిని వివాదాస్పదంగానే చూపిస్తాయి. తాజా పరిణామంతో అమెరికా తన పాత మ్యాప్ విధానానికే కట్టుబడి ఉన్నట్లు స్పష్టమవుతోంది.