భారతీయ సాంప్రదాయ ఆహారాల్లో కిణ్వ ప్రక్రియ (Fermentation) ద్వారా తయారయ్యే పదార్థాలు పేగు ఆరోగ్యానికి ఎంతో మేలు చేస్తాయి. అస్సాంకు చెందిన ‘ఖోరిసా’ వెదురు చిగుళ్లతో తయారవుతుంది, ఇది పీచు పదార్థం మరియు విటమిన్లతో నిండి ఉంటుంది. అలాగే హిమాలయ ప్రాంతాల్లో ఆవకూర లేదా ఇతర ఆకుకూరలతో చేసే ‘గుంద్‌రుక్’ జీర్ణక్రియను వేగవంతం చేయడంలో అద్భుతంగా పనిచేస్తుంది. వీటితో పాటు కూరగాయలతో తయారయ్యే ప్రోబయోటిక్ పానీయం ‘కాంజీ’ ఆరోగ్యానికి ఎంతో రక్షణ ఇస్తుంది.

బెంగాల్ మరియు ఒడిశా ప్రాంతాల్లో ప్రాచుర్యం పొందిన ‘పాంతా భాత్’ రాత్రంతా నీటిలో నానబెట్టడం వల్ల సహజ సిద్ధమైన బ్యాక్టీరియాను కలిగి ఉండి శక్తినిస్తుంది. ఇక అన్నిటికంటే ముఖ్యంగా ఇంట్లో తయారుచేసిన పెరుగు మార్కెట్ ఉత్పత్తుల కంటే ఆరోగ్యానికి ఎంతో శ్రేష్ఠమైనది. ఈ దేశీ ఆహారాలు కేవలం రుచిని అందించడమే కాకుండా, శరీరంలోని జీర్ణ వ్యవస్థను క్రమబద్ధీకరించి రోగనిరోధక శక్తిని పెంచుతాయి. నిత్యం వీటిని ఆహారంలో భాగం చేసుకోవడం ద్వారా కడుపు సంబంధిత సమస్యల నుండి ఉపశమనం పొందవచ్చు.