అమెరికా అధ్యక్షుడు డొనాల్డ్ ట్రంప్ ఆరోగ్య పరిస్థితిపై అంతర్జాతీయంగా ఆందోళన వ్యక్తమవుతోంది. 2026 దావోస్ ప్రపంచ ఆర్థిక వేదికలో ట్రంప్ ప్రవర్తనను విశ్లేషించిన నిపుణులు, ఆయన మెదడులోని ‘ఫ్రంటల్ లోబ్’ భాగం కుంచించుకుపోతోందని సంచలన ఆరోపణలు చేస్తున్నారు. ఫిజియోథెరపిస్ట్ ఆడమ్ జేమ్స్ ఒక ఇంటర్వ్యూలో మాట్లాడుతూ, ట్రంప్ మరో నాలుగు నెలలు మాత్రమే జీవించే అవకాశం ఉందని, ఈ నిజాన్ని దాచడానికి వైట్ హౌస్ ఎంఆర్ఐ కి బదులుగా సిటీ స్కాన్ ఉపయోగిస్తోందని పేర్కొన్నారు. ప్రసంగాల మధ్యలో అసందర్భంగా మాట్లాడటం ‘ఫ్రంటోటెంపోరల్ డిమెన్షియా’ లక్షణాలని నిపుణులు భావిస్తున్నారు.

మరోవైపు డాక్టర్ జాన్ గార్ట్నర్ వంటి నిపుణులు ట్రంప్ నడకలో తడబాటును స్ట్రోక్ లక్షణంగా అనుమానిస్తున్నారు. దావోస్ పర్యటనలో ఆయన చేతిపై కనిపించిన వింత గాయాలు రక్త ప్రసరణ సమస్యలను సూచిస్తున్నాయని విశ్లేషణలు వెలువడుతున్నాయి. వీటిని మేకప్‌తో కప్పి ఉంచే ప్రయత్నం జరిగినప్పటికీ, వైద్య నిపుణులు తీవ్రంగా పరిగణిస్తున్నారు. అయితే వైట్ హౌస్ ఈ ఆరోపణలను కొట్టిపారేసింది. ప్రెసిడెంట్ ట్రంప్ సంపూర్ణ ఆరోగ్యంతో ఉన్నారని, వయస్సుతో పాటు వచ్చే సాధారణ మార్పులు తప్ప మరేమీ లేవని అధికార ప్రతినిధి కారోలిన్ లీవిట్ స్పష్టం చేశారు.