చాలా మంది ఆండ్రాయిడ్ వినియోగదారులు ఫోన్ హ్యాంగ్ అవ్వడం లేదా స్లో అవ్వడం వంటి సమస్యలను ఎదుర్కొంటుంటారు. దీనికి కేవలం స్టోరేజ్ మాత్రమే కారణం కాదు, బ్యాక్‌గ్రౌండ్‌లో రన్ అయ్యే యాప్స్ కూడా ప్రధాన కారణం. మీ ఫోన్‌లోని ‘డెవలపర్ ఆప్షన్స్’ ద్వారా కొన్ని మార్పులు చేయడం వల్ల ఫోన్ వేగాన్ని గణనీయంగా పెంచుకోవచ్చు. ముందుగా ‘బ్యాక్‌గ్రౌండ్ ప్రాసెస్ లిమిట్’ను 2 లేదా అంతకంటే తక్కువకు సెట్ చేయడం వల్ల ప్రొసెసర్ మరియు బ్యాటరీపై భారం తగ్గుతుంది. అలాగే సిపియు ఒత్తిడిని తగ్గించడానికి ‘లాగర్ బఫర్ సైజ్’ను 64K లేదా 256K కి మార్చుకోవడం మంచిది.

ఫోన్ రెస్పాన్స్ వేగంగా ఉండాలంటే విండో యానిమేషన్, ట్రాన్సిషన్ యానిమేషన్ మరియు యానిమేటర్ డ్యూరేషన్ స్కేల్స్‌ను 0.5x కి తగ్గించాలి లేదా పూర్తిగా ఆపివేయాలి. దీనివల్ల యాప్స్ ఓపెన్ అయ్యే సమయం తగ్గుతుంది. డిస్ప్లే మరియు స్క్రోలింగ్ అనుభవం మరింత స్మూత్‌గా ఉండాలంటే ‘ఫోర్స్ పీక్ రిఫ్రెష్ రేట్’ను ఎనేబుల్ చేసుకోవచ్చు. బ్యాటరీ లైఫ్ కంటే వేగానికి ప్రాధాన్యత ఇచ్చేవారు ఈ సెట్టింగ్స్ మార్చుకోవడం ద్వారా తమ ఫోన్‌ను సరికొత్తగా మార్చుకోవచ్చు.