న్యూస్ డెస్క్ : సామాన్యుల రోజువారీ ప్రయాణాల్లో బస్సు అత్యంత ముఖ్యమైన పాత్ర పోషిస్తుంది. ఆఫీసులకు వెళ్లే వారైనా లేదా పాఠశాలకు వెళ్లే విద్యార్థులైనా, అందరికీ తక్కువ ఖర్చుతో గమ్యస్థానానికి చేర్చేది బస్సు మాత్రమే. అయితే మనం ప్రతిరోజూ పిలిచే ‘బస్సు’ అనేది పూర్తి పేరు కాదని, అది కేవలం ఒక చిన్న పదమని మీకు తెలుసా? మన నిత్యజీవితంలో భాగమైన ఈ వాహనం అసలు పేరు తెలిస్తే మీరు కూడా ఆశ్చర్యపోతారు.

బస్సు యొక్క పూర్తి రూపం ‘ఓమ్నిబస్’ (Omnibus). 1820వ దశకంలో ఐరోపాలో గుర్రపు బగ్గీలతో ఈ ప్రయాణం ప్రారంభమై, కాలక్రమేణా మోటారు వాహనాలుగా ఆధునీకరించబడింది. భారతదేశంలోనూ కొన్ని దశాబ్దాల క్రితమే ఈ సేవలు అందుబాటులోకి వచ్చాయి. ఇలాంటి ఆసక్తికరమైన సాధారణ జ్ఞాన విషయాలు తెలియకపోవడం వల్ల చాలామంది పోటీ పరీక్షల్లో తడబడుతుంటారు, అందుకే ఈ చిన్న విషయంపై అవగాహన పెంచుకోవడం ప్రతి ఒక్కరికీ అవసరం.