ముర్షిదాబాద్‌లోని హరిహర్‌పరాలో ఓటర్ల జాబితా సవరణ విధుల్లో ఉన్న మాయా ముఖర్జీ అనే బీఎల్ఓ (BLO) గుండెపోటుతో మరణించారు. తనకు ఇష్టం లేకపోయినా బలవంతంగా ఈ బాధ్యతలు అప్పగించారని ఆమె కుటుంబ సభ్యులు ఆరోపిస్తున్నారు. జాబితాలో పేర్లు తొలగిస్తే గ్రామస్తులు ఎక్కడ దాడి చేస్తారో అన్న తీవ్ర భయాందోళనలకు ఆమె గురైనట్లు తెలుస్తోంది.

ఈ ఘటన స్థానికంగా తీవ్ర కలకలం రేపింది. ఎమ్మెల్యే నియామత్ షేక్ మృతురాలి కుటుంబాన్ని పరామర్శించారు. ఎన్నికల విధుల ఒత్తిడి ఒక ఉద్యోగి ప్రాణాన్ని బలిగొనడంపై యంత్రాంగం తీరుపై విమర్శలు వెల్లువెత్తుతున్నాయి.