ఇరాన్‌తో ప్రత్యక్షంగా లేదా పరోక్షంగా వ్యాపార సంబంధాలు కలిగి ఉన్న దేశాలపై అదనపు సుంకాలు విధిస్తామని అమెరికా అధ్యక్షుడు డొనాల్డ్ ట్రంప్ సంచలన ఉత్తర్వులు జారీ చేశారు. ఒమన్‌లో ఇరు దేశాల మధ్య చర్చలు జరుగుతున్న తరుణంలో, సుమారు 25 శాతం సుంకం విధించే అవకాశం ఉందన్న ఈ ప్రకటన అంతర్జాతీయ వాణిజ్య రంగంలో ప్రకంపనలు సృష్టిస్తోంది.

ఇరాన్ ఎట్టి పరిస్థితుల్లోనూ అణు ఆయుధాలను తయారు చేయకూడదని ట్రంప్ స్పష్టం చేశారు. ఈ నిర్ణయం వల్ల ఇరాన్ ప్రధాన భాగస్వాములైన చైనా, భారత్ వంటి దేశాలపై తీవ్ర ప్రభావం పడే అవకాశం ఉంది. ఒప్పందానికి ఇరాన్ అంగీకరించకపోతే పరిణామాలు తీవ్రంగా ఉంటాయని అమెరికా హెచ్చరించింది.