మాజీ అధ్యక్షుడు బరాక్ ఒబామా, మిషెల్ ఒబామాను కోతులుగా చిత్రీకరించే జాత్యహంకార AI వీడియోను షేర్ చేసి డొనాల్డ్ ట్రంప్ వివాదంలో చిక్కుకున్నారు. ట్రూత్ సోషల్ వేదికగా పోస్ట్ చేసిన ఈ వీడియోపై డెమొక్రాట్లు తీవ్ర ఆగ్రహం వ్యక్తం చేస్తున్నారు. ఇది అత్యంత అసహ్యకరమైన ప్రవర్తన అని కాలిఫోర్నియా గవర్నర్ సహా పలువురు ప్రముఖులు ట్రంప్‌ను దుయ్యబట్టారు.

ఈ పరిణామాల నేపథ్యంలో ట్రంప్ ప్రజాదరణ భారీగా పడిపోయింది. ది ఎకనామిస్ట్ మరియు యూగవ్ డేటా ప్రకారం, ఆయన నెట్ అప్రూవల్ రేటింగ్ -15%కి చేరింది. మెజారిటీ సర్వేలలో ట్రంప్ పట్ల వ్యతిరేకత పెరుగుతున్నట్లు స్పష్టమవుతోంది. ముఖ్యంగా నల్లజాతీయులలో ఆయనపై పెరుగుతున్న అసంతృప్తి రాబోయే రోజుల్లో ట్రంప్‌కు గట్టి ఎదురుదెబ్బగా మారే అవకాశం ఉంది.