న్యూస్ డెస్క్ : రాత్రి పూట మీరు ఏం తింటున్నారు అనే దానికంటే ఏ సమయంలో తింటున్నారు అనేదే మీ ఆరోగ్యానికి కీలకం. బిజీ లైఫ్ వల్ల చాలామంది అర్ధరాత్రి భోజనం చేస్తున్నారు, ఇది జీర్ణక్రియను దెబ్బతీయడమే కాకుండా ఊబకాయానికి దారితీస్తోంది. హార్వర్డ్ నిపుణుల అభిప్రాయం ప్రకారం, ఆలస్యంగా తినడం వల్ల శరీరంలో ఇన్సులిన్ స్థాయిలు మారిపోయి, నిద్ర నాణ్యత తగ్గిపోతుంది. దీనివల్ల ఉదయాన్నే నిద్రలేవగానే అలసటగా అనిపిస్తుంది.

ఆరోగ్యంగా ఉండాలంటే రాత్రి 7 గంటల లోపే డిన్నర్ ముగించడం ఉత్తమమని పరిశోధనలు చెబుతున్నాయి. త్వరగా తినడం వల్ల రక్తంలో చక్కెర స్థాయిలు 15% వరకు తగ్గుతాయి మరియు పీడకలలు, తలనొప్పి వంటి సమస్యలు దూరమవుతాయి. ముఖ్యంగా డయాబెటిస్ మరియు ఫ్యాటీ లివర్ ఉన్నవారు ఆలస్యంగా తినే అలవాటును వెంటనే మానుకోవాలి. ఆహార నియమాలతో పాటు సరైన సమయ పాలన పాటించడం సామాన్యుల ఆరోగ్యానికి ఎంతో అవసరం.