కేంద్ర ప్రభుత్వం 2026-27 ఆర్థిక సంవత్సరానికి సంబంధించి పొరుగు దేశాలకు ఇచ్చే సహాయక నిధుల వివరాలను వెల్లడించింది. ఇందులో బంగ్లాదేశ్‌కు కేటాయింపులు భారీగా తగ్గాయి. గత ఏడాది ₹120 కోట్లుగా ఉన్న గ్రాంటును ఈసారి ₹60 కోట్లకు తగ్గించారు. ఇరు దేశాల మధ్య నెలకొన్న ప్రస్తుత దౌత్య పరిస్థితులే ఈ కోతకు కారణమని విశ్లేషకులు భావిస్తున్నారు.

మరోవైపు, ఆఫ్ఘనిస్తాన్ పట్ల భారత్ తన ఉదారతను చాటుకుంది. అక్కడ మానవీయ ప్రాజెక్టుల కోసం నిధులను ₹100 కోట్ల నుండి ₹150 కోట్లకు పెంచింది. భూటాన్ ఎప్పటిలాగే ₹2,288 కోట్లతో భారత్ నుండి అత్యధిక సహాయం పొందుతున్న దేశంగా కొనసాగుతుండగా, నేపాల్‌కు కేటాయింపులను ₹800 కోట్లకు పెంచారు.