వివాహం తర్వాత ఆధార్ కార్డులో భర్త పేరును చేర్చుకోవడం లేదా చిరునామాను మార్చుకోవడం ఇప్పుడు చాలా సులభం. ఈ ప్రక్రియ కోసం మ్యారేజ్ సర్టిఫికేట్ అత్యంత కీలకమైన పత్రం. దీనితో పాటు భార్యాభర్తలిద్దరి ఆధార్ కార్డులు మరియు ఆధార్‌తో అనుసంధానించబడిన మొబైల్ నంబర్ తప్పనిసరిగా ఉండాలి. ఈ పత్రాలు ఉంటే ప్రక్రియ వేగంగా పూర్తవుతుంది.

ముందుగా యుఐడిఏఐ అధికారిక వెబ్‌సైట్‌లో అపాయింట్‌మెంట్ బుక్ చేసుకోవాలి. కేటాయించిన సమయానికి ఆధార్ సేవా కేంద్రానికి వెళ్లి అవసరమైన పత్రాలతో పాటు అప్‌డేట్ ఫారమ్‌ను సమర్పించాలి. దీని కోసం 50 రూపాయల రుసుము చెల్లించాల్సి ఉంటుంది. దరఖాస్తు పూర్తయిన తర్వాత ఇచ్చే రసీదు ద్వారా స్టేటస్ తెలుసుకోవచ్చు మరియు 7 నుండి 15 రోజుల్లో సమాచారం అప్‌డేట్ అవుతుంది.