పూజా కార్యక్రమాల్లో వాడే కర్పూరం నాణ్యమైనది కాకపోతే అది మీ ఊపిరితిత్తులకు హాని కలిగించే అవకాశం ఉంది. మార్కెట్లో దొరికే కృత్రిమ కర్పూరం రసాయనాలతో తయారవుతుంది కాబట్టి అసలైన ‘సినామోమమ్ కాంఫోరా’ కర్పూరాన్ని వాడటం ఆరోగ్యకరం. అసలైన కర్పూరాన్ని వెలిగించినప్పుడు అది ఎటువంటి బూడిద లేదా నల్లటి మచ్చలు మిగల్చకుండా పూర్తిగా గాలిలో కలిసిపోతుంది అదే కల్తీ కర్పూరం అయితే పాత్రపై నల్లటి మసిని వదులుతుంది.

నీటి పరీక్ష ద్వారా కూడా కర్పూర నాణ్యతను తెలుసుకోవచ్చు ఎందుకంటే అసలైన కర్పూరం నీటిలో మునిగిపోతుంది. సహజ సిద్ధమైన కర్పూరం సులభంగా పొడి అవుతుంది మరియు దీని వాసన ఎంతో ఆహ్లాదకరంగా ఉంటుంది. కృత్రిమ కర్పూరం నుంచి ఘాటైన రసాయన వాసన వస్తుంది ఇది ముక్కుకు అసౌకర్యాన్ని కలిగిస్తుంది. కావున కర్పూరం కొనే ముందు ఈ జాగ్రత్తలు పాటించడం వల్ల మీరు రసాయనాల బారి నుండి తప్పించుకోవచ్చు.