ఇరాన్ లో ఆర్థిక సంక్షోభం కారణంగా వెల్లువెత్తిన ప్రజా నిరసనలపై అమెరికా అధ్యక్షుడు డొనాల్డ్ ట్రంప్ ఘాటుగా స్పందించారు. శాంతియుతంగా నిరసన తెలుపుతున్న ప్రజలపై ఇరాన్ ప్రభుత్వం దాడులకు పాల్పడితే, అమెరికా వారి అండగా నిలుస్తుందని హెచ్చరించారు. ఇప్పటికే భద్రతా దళాలతో జరిగిన ఘర్షణల్లో ఏడుగురు ప్రాణాలు కోల్పోగా, ఇరాన్ ప్రభుత్వ అణిచివేత ధోరణిని సహించబోమని, తాము జోక్యం చేసుకోవడానికి సిద్ధంగా ఉన్నామని ట్రంప్ స్పష్టం చేశారు.

దేశంలో ద్రవ్యోల్బణం 42 శాతానికి చేరడం మరియు కరెన్సీ విలువ దారుణంగా పడిపోవడంతో ప్రజలు రోడ్లెక్కి నిరసనలు తెలుపుతున్నారు. సెంట్రల్ బ్యాంక్ గవర్నర్ రాజీనామా చేసినా పరిస్థితి సర్దుమణగలేదు. టెహ్రాన్ నుండి మొదలైన ఈ మంటలు ఇతర ప్రాంతాలకు వ్యాపించాయి, అక్కడ నిరసనకారులు ప్రభుత్వ వాహనాలకు నిప్పు పెడుతూ పాలకులకు వ్యతిరేకంగా నినాదాలు చేస్తున్నారు.